Ya 'yan uwana yan Nigeria !!! Ubangiji Ya san zuciyata, bata dawani buri daya wuce na saita kasata Nijeriya, a tafarkin da zakuji dadi nan gaba. Domin kune matasa masu tasowa.

 Akwai tsananin wahala a mulki, yayin da kake koqarin kawo canji a kasa Kamar Nigeria, Zaka hadu da Kalubale Kala Kala mai Wahalar gaske. Muna iya koqarinmu a yanzu domin muga komai ya daidaita a kasarmu. Kuma na tabbata koda abokan hamayyarmu, sunsan cewa muna iyakar kokarimu don ganin mun daura kasarmu a turbar data dace.

 Amman nasan wasu Daga cikinsu suna ganin Munyi laifi, sakanmakon hana ha'inchi da almundahana da dukiyar al'umma.

 Ga wadannan yan siyasa, masu sha'awar abarsu suyi wadaka da kudin governmenti, mun san bazasu ta6a yafe mana ba. Ko kuma suga kokarinmu, Bazasu ganiba!!! Bazasu ganiba!!!.

 Domin anasu tunanin bamu Kyautata musuba, munyi musu laifi.

Laifin kuwa shine:- Mun toshe musu duk wassu hanyoyin dasuke bi wajen sace dukiyar al'ummah. Dominsu basu da wata damuwa, illa abarsu suyi badakala da dukiyar kasa.

Sun yarda da haka koda kasarnan zata lalace, domin suntara kudaden da gidaje a ketare.

Sun shirya tsaf da karfinsu domin wargaza shirin da muka soma na saita wannan kasar tamu.

Basuda damuwa koda da kwayar zarra, dangane da damuwar mutanen kasar nan .

Bamu da wani za6i, Illa za6in mutanan

 Yan Nijeriya, idan sun amince da kokarinmu, zasu iya sake za6anmu a karo na biyu domin cigaba daga inda muka tsaya. Hakanne zai amfanemu Baki daya.

Idan kuma baku aminta damu ba, zaku iya komawa garesu (wato yan jari hujja ). Domin wargaza muku rayuwar ku ta nan gaba, dama kasar baki daya.

 Amma na tabbas zaku tuna cewa na fada muku gaskiya ko bayan Raina, kuma nayi iya kacin kokarina domin naga kasarmu ta hau turban gaskiya, da rikon amana, Za6i ya rage naku yan Nigeria, domin kasarmu.

A cewar Darektan yada labarai a hedkwatar tsaron kasar, Brigadier General John Agim, yayata labaran da ke fitowa daga bangaren mayakan Boko Haram tamkar taimakawa ayyukan ta’addanci ne.

“Duk dan jaridar da ke rawar jiki wajen aika rahoto kan abin da Boko Haram ta yi ko ta ce, ko kana so ko ba ka so, ya zama kana masu aiki kenan.” In ji Agim.

Ya kara da cewa, hedkwatar tsaron ta Najeriya na matukar bukatar hadin kan kowa da kowa wajen yaki da masu ta da kayar baya a rewa maso gabashin Najeriya.

“Saboda wannan yaki ne mai wuyar sha’ani, muna yakar wadanda sun san mu amma mu ba mu san su ba.” In ji Agim.

Wadannan kalamai na hedkwatar tsaron na zuwa ne kwanaki kadan bayan da sojojin Najeriya suka kai wani samame a ofishin gidan jaridar Daily Trust da ke Abuja, bayan wani labari da kamfanin ya wallafa.

Sojojin sun zargi gidan jaridar da wallafa wasu bayanai da suka jefa harkar tsaron kasar cikin hadari.

Ko da yake, samamen da aka kai wa jaridar ta Daily Trust ya janyo aka yi ta sukar jami’an tsaron a ciki da wajen Najeriya, amma masana a fannin tsaro sun ce akwai bukatar ‘yan jarida su rika takatsatsan wajen wallafa bayanan tsaro.

“Irin wadanan labarai a duk lokacin da aka yi su, ya kamata a rika tace su a tabbatar da cewa ba su yi karo da abubuwa na tsaro ba.” In ji Air Commander Ahmed Tijjani Babagamawa mai ritaya, wanda kan yi sharhi kan tsaro.

Tun daga shekarar 2009, Najeriya ke fama da hare-haren ‘yan ta’addan kungiyar Boko Haram, musamman a arewa maso gabashin kasar

Ayyukan kungiyar ya salwantar da dubban rayukan jama’a a kasar ta Najeriya da makwabtanta.

A shekarar 2015 an samu lafawar rikicin, amma a baya-baya nan, mayakan kungiyar ta boko Haram, sun kara zafafa hare-haren da suke kai wa.

Wasu bayanai sun yi nuni da cewa yanzu haka wasu garuruwa akalla shida ciki har da garin Baga a yankin jihar Borno sun sake fadawa hannun mayakan, amma dakarun na Najeriya sun musanta wannan ikrari.

 An ci gaba da murza gashin baki tsakanin gwamnatin tarayyar Najeriya da kungiyar 'yan kwadago wato NLC game da karin albashin ma’aikatan Najeriya.

 A jiya shugaban kasa Muhammadu Buhari ya kaddamar da wani kwamiti dake karkashin sanannen masanin tattalin arziki Mr Bishmak Riwane, wanda kuma aka debawa kwanaki talatin [30] domin yin nazari da kuma ya mika rahoton karin albashin na ma'ikata.

 A jawabinsa wajen kaddamar da wannan kwamitin, shugaba Buhari yace akwai bukatar yin garon bawul ga daukacin albashin ma’aikata, ko kuma dai dai ta su domin tafiya tare.

 Tuni dai kungiyar kwadago ta kasa tayi wantsakalar da wannan kwamitin, tana mai cewa, wata dabara ce ta gwamnati na jan kafa a dai dai lokacin da zaben kasa ya karaso domin ta kiyin karin albashin.

 Ra’ayin wasu 'yan Najeriya game da shirin karin albashin ko akasin hakan ya banbanta. Wasu na ganin gaskiya mafi karancin albashi na Naira dubu goma sha takwas [#1800] yayi kadan a kasar nan wasu kuma abin basu cewa komai.

 Shima wani malamin, cewa yayi akwai bukatar gwamnati ta kara albashin, domin biyan bukatun ma’aikata, waddanda ke zaune a gidajen haya ko biyan kudin makaranta yara ya za suyi? Ai ko sabon albashin na naira #30,000 sai ayi maleji domin kuwa abubuwa sun tashi goron zabuwa ba kamar yadda aka sansu ada ba.

 Sauda yawa dai wasu na ganin idan aka kara albashin, hakan zai haifar da tsadar kayan masarufi, hasashen da wani masanin tattalin arziki Malam Isa Imam, yace ba gaskiya bane; yace koda yake za’a samu karin farashin kaya, amma hakan ba zai taka kara ya karya ba, domin tashin kayan bazai dore ba kamar yadda ake gani a wasu kasashe da basu da karfin tattalin arziki.

 Yanzu dai abun jira a gani shine ko rahoton da wannan kwamitin zai mikawa  gwamnatin, ana saura mako daya zaben kasa, zai yi tasiri ga ma’aikatan na samun karin albashinsu akan kari, kafin zaben kasa?

 Wasu yan ta'adda  da ba'a san ko suwanene ba sun kashe sun kashe mutum hudu a wani kauye, Majiyar mu na cewa yan bindigar sunje ne a kauyen yar santa dake karamar hukumar kankara ta jihar Katsina.

 Bayanai sunnuna cewa tuni dai akayi janaizar mutanen da yan ta'addar suka kashe kamar yadda addinin musulinchi ya shar'anta, a jiya larabane aka ruhosu.

 Yayinda jami'in watsa labarai na rundunar 'yan sanda na jihar Katsina, sp Gambo Isah ya tabbatar da lamarin ya kuma ce ya zuwa yanzu lokacinda aka hada wannan rahoton ba shida cikakken bayanin yadda lamarin ya auku.

  

 Majiyar mu ta bayyana mana cewa, yan ta'addan sun kai hari a kauyenne da misalin karfe 6 na yammacin ranar Talata a dai dai lokacinda mutanen garin suke dawowa daga babbar kasuwar garin Kankara.

 An kuma bayyana mana cewa yan ta'addan sun shigane akan babura kuma nan take suka fara harbe-harbe da manyan bindigogi a kauyen abunda yasa  hankalin jama'a kenan ya tashi suka fara guje-guje wurare daban daban. Mutun hudun da suka mutu' harbin bindiga ne da yan ta'addan yayi sanadiyyar rasa rayuwarsu nan take.

 ''yan ta'addan sun kuma dawo washe gari ranar laraba kenan a dai dai lokacinda ake yin jana'izar wanda suka rasun, inda 'yan sintiri suka fatattakesu''

Daya daga cikin mutanen garin ya kuma ce, da safiyar yau dai dai lokacinda muke jana'izar wadanda suka rasun yan ta'addan sun sake dawowa sai dai yan sintirin garinmu suka fatattakesu.

 Yayinda jami'in watsa labarai na yan sanda ya kuma ce tuni aka tura jamia'an tsaro a kauyen don bayar da kariya.

sp Isah yace ''lallai yanzu mutanenmu na nan don shawo kan lamarin''.

       
                                         

     Shidai wannan jirgin kasan mai tarako 17 ya samu hadari ne a kan hanyarsa inda ya taso daga unguwar llu yabi ta oshodi zuwa wurin ebuta mita.

        A inda yayi hadarin daa misalin karfe bakwai 7 na safiyar yau kuma yana dauke ne da mutane da kuma kayayyaki.

         

        shidai wannan hatsarin ya afku ne a wata unguwar da ake kira da mangora Agegen jihar lagos a Nigeria a inda ya raunata mutane da dama kamar yadda majiyarmu ya tabbatar.

       Majiyarmu ya tabbatar mamu da cewar a lokacinda suka zanta da commander na hukumar kare hadura ta kasa wato (FRSC), Emma Fekoye ya tabbatar mamu da afkuwar lamarin, sai dai ya tabbatar mamu da cewar a lokacinda da hadarin ya afku babu wanda ya mutu amma sai dai an samu raunuka da dama.